მოქალაქეების ინფორმაციით, თბილისი-რუსთავის დამაკავშირებელ საავტომობილო გზაზე საცობია

თბილისის-რუსთავის დამაკავშირებელ საავტომობილო გზაზე საცობია, - ამის შესახებ "ინტერპრესნიუსს" ადგილზე მყოფმა მოქალაქეებმა შეატყობინეს.

როგორც "ინტერპრესნიუსს" შინაგან საქმეთა სამინისტროში განუცხადეს, მოძრაობის შეფერხება საგზაო სამუშაოებს უკავშირდება.

შსს-ს ცნობით, ადგილზე საპატრულო პოლიცია იმყოფება და სიტუაციის განმუხტვას ცდილობს.

"ინტერპრესნიუსი"