საფრანგეთის ყოფილი და ამჟამინდელი პრეზიდენტები პრობლემის გადაწყვეტაზე ერთად მსჯელობენ

საფრანგეთში, ტერორისტული აქტების განხორციელების შედეგად რვა ტერორისტი დაიღუპა. როგორც "სიენენი" პარიზის პროკურატურის ოფიციალურ განცხადებაზე დაყრდნობით იტყობინება, აქედან შვიდმა თავი აიფეთქა.

საფრანგეთის ისტორიაში ყველაზე მასშტაბურ ტერაქტებს, ბოლო მონაცემებით, სულ მცირე 153 ადამიანი ემსხვერპლა, დაშავებულია 220-მდე, აქედან 90-მდე ადამიანის მდგომარეობა მძიმეა. ამასთან დაკავშირებით, საფრანგეთის ყოფილმა და ამჟამინდელმა პრეზიდენტებმა შეხვედრა გამართეს. თუმცა, შეხვედრის დეტალები ჯერ არ არის ცნობილი.