აბანოთუბანში მეჩეთი გაქურდეს

თბილისში, აბანოთუბანში მეჩეთი გაქურდეს. გავრცელებული ინფორმაციით, მეჩეთის კარი დღეს დილით იქ მისულ მლოცველებს გატეხილი დახვდათ.

"ინტერპრესნიუსს" შინაგან საქმეთა სამინისტროში მომხდარი ფაქტი დაუდასტურეს. სამინისტროში აცხადებენ, რომ საქმე ქურდობაზე, სისხლის სამართლის კოდექსის 177-ე მუხლით არის აღძრული და საგამოძიებო მოქმედებები მიმდინარეობს. შინაგან საქმეთა სამინისტროში მოხდარის შესახებ სხვა დეტალებზე არ საუბრობენ.

"ინტერპრესნიუსი"