სირიელმა ლტოლვილმა, რომელიც ქუჩაში კალმებს ყიდდა, სახალხო შემოწირულობით სამი ბიზნესი წამოიწყო
სირიელი ლტოლვილი - აბდულ ალიმი, ბეირუთის ქუჩებში კალმების გამყიდველი, რომლის სოციალურ ქსელში გავრცელებულმა ფოტომ მილიონობით ადამიანი შეძრა, დღეს სამი ბიზნესის მფლობელია.
აბდულ ალიმმა ბეირუთში ბიზნესის წამოწყება მას შემდეგ შეძლო, რაც სახალხო შემოწირულობის წყალობით Indiegogo Fundraising-ის გვერდზე მისთვის და მისი ოჯახისთვის 191 ათასი დოლარი შეგროვდა.
„ამ ამბის შემდეგ არა მხოლოდ ჩემი ცხოვრება, არამედ ჩემი შვილებისა და სირიაში დარჩენილი ჩემი ნათესავების ცხოვრებაც შეიცვალა“, - აღნიშნა აბდულ ალიმმა, რომელმაც სირიაში მყოფ მეგობრებსა და ნათესავებს 25 ათასი დოლარი გადაურიცხა.
ლიბანის დედაქალაქში სირიელმა ლტოლვილმა მცირე ზომის რესტორანი გახსნა, სადაც ამ დროისთვის მისი 16 თანამემამულეა დასაქმებული.
სირიელი ლტოლვილის აბდულ ალიმის ფოტო, სადაც ასახული იყო, როგორ ჰყიდდა მხარზე მძინარე ბავშვმოკიდებული პალესტინელი საწერ კალმებს, ინტერნეტში რამდენიმე თვის წინ გავრცელდა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
