მსახიობი ანრი ბიბინეიშვილი, რომელმაც სახელი კესარიასთან გადაღებული ფოტოთი გაითქვა, პოლიტიკაში მიდის

მსახიობი ანრი ბიბინეიშვილი პოლიტიკაში მიდის. 27 წლის ბათუმელი მსახიობი თუმანიშვილის თეატრში თამაშობს, თუმცა სახელი ჯერ კესარია აბრამიძესთან გადაღებული პიკანტური ფოტოს წყალობით გაითქვა, ფართო მასებისთვის კი ცნობილი მას შემდეგ გახდა, რაც მალხაზ ქვრივიშვილის ყოფილ ცოლზე - მარიამ ახობაძეზე იქორწინა.

"ambebi.ge" ანრი ბიბინეიშვილს დაუკავშირდა:

-მართალია, რომ პოლიტიკაში აპირებთ წასვლას?

- ნამდვილად ვაპირებ პოლიტიკაში მოსვლას, სრული სერიოზულობით ვაცხადებ, ეს გადაწყვეტილება მივიღე ქვეყნის დღევანდელი, გუშინწინდელი და ა.შ მდგომარეობიდან გამომდინარე.

-საკუთარ პარტიას აყალიბებთ თუ ვინმეს გუნდს უერთდებით?

- არავისთან გაერთიანებას არ ვაპირებ, პარტიის ჩამოყალიბებაზე საერთოდ არ მიფიქრია. ვფიქრობ იმას, რომ ხალხის ნებას წინ არაფერი არ უდგას.

-ხედავთ ძალას, ვისთანაც ითანამშრომლებთ?

- ამ დეტალებზე საუბრისგან ახლა თავს შევიკავებ.

თამარ ბოჭორიშვილი

AMBEBI.GE