გავაკეთე სატელეფონო ამონაწერი, სადაც ფიქსირდება, რომ ჩემთვის კონკრეტულ მაღალჩინოსნებს სმს-ები გამოგზავნილი აქვთ - ალეკო ელისაშვილი
შეწყალების კომისიის ყოფილმა თავმჯდომარე ალეკო ელისაშვილმა სატელეფონო ამონაწერი გააკეთა. როგორც "ინტერპრესნიუსს" ელისაშვილმა განუცხადა, ამონაწერში ფიქსირდება ტელეფონის ის ნომრები, საიდანაც მას ზოგიერთმა მაღალჩინოსანმა კონკრეტული მსჯავრდებულების შეწყალების მოთხოვნით სმს-ები გაუგზავნა.
"ამით დასტურდება, რომ პროკურატურაში, დაკითხვისას ჩემს მიერ დასახელებულ დროს, დასახელებული პოლიტიკოსების მხრიდან ნამდვილად არის გამოგზავნილი შეტყობინება", - აღნიშნა ელისაშვილმა.
მისივე განმარტებით, ამონაწერში ფიქსირდება მხოლოდ მის ტელეფონზე სმს-ის გაგზავნის დრო და არა შეტყობინების შინაარსი.
"მესიჯების შინაარსი გამოძიებამ გაარკვიოს", - აღნიშნა ელისაშვილმა.
როგორც ცნობილია, ე.წ. შეწყალების საქმეზე დაწყებული გამოძიების ფარგლებში, ელისაშვილმა პროკურატურას რამდენიმე დღის წინ მტკიცებულების სახით საკუთარი მობილური ტელეფონი გადასცა. შეწყალების კომისიის ყოფილი თავმჯდომარის განცხადებით, მასში ის სმს-ები ინახებოდა, რომლებიც ხელისუფლების მაღალჩინოსნებმა გაუგზავნეს, თუმცა მოგვიანებით პროკურატურამ ეს არ დაადასტურა და აღნიშნა, რომ ტელეფონში კონკრეტული პატიმრის შეწყალების მოთხოვნის შემცველი სმს-ები არ აღმოჩნდა. გუშინ, ელისაშვილმა დაადასტურა, რომ ტელეფონის "ინბოქსში" მესიჯები მართლაც არ იყო, თუმცა მისივე მტკიცებით, ის მობილურის მყარ დისკზე ინახება.
გამოიწერეთ საზოგადოების სიახლეები და იხილეთ ის თქვენს Newsfeed-ში!
AMBEBI.GE/საზოგადოება
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
