რა ვიცით გიორგი კვირიკაშვილზე - ოფიციალური ცნობები პრემიერობის კანდიდატზე

საქართველოს ვიცე-პრემიერი, საგარეო საქმეთა მინისტრი გიორგი კვირიკაშვილი 1967 წლის 20 ივლისს დაიბადა.

რა განათლება აქვს პრემიერის მოვალეობის შემსრულებელს?

1997-1998 წწ. აშშ ილინოისის უნივერსიტეტი (University of Illinois at Champaign-Urbana, IL, USA, Master of Science in Finance), მაგისტრატურა, ფინანსების მაგისტრი;

1984 წ. თბილისის კომაროვის სახელობის ფიზიკა-მათემატიკური სკოლა-ინტერნატი;

1984-1991 წწ. თბილისის სახელმწიფო სამედიცინო ინსტიტუტის სამკურნალო ფაკულტეტი, თერაპევტი;

1990-1995 წწ. ივ. ჯავახიშვილის სახელობის თბილისის სახელმწიფო უნივერსიტეტი ეკონომიკის ფაკულტეტი, სპეციალობა - მრეწველობის დაგეგმვა;

1986-1988 წწ. სამხედრო სავალდებულო სამსახური.

სამუშაო გამოცდილება:

01/09/2015 წ. საგარეო საქმეთა მინისტრი;

25/10/2012 - 01/09/2015 წწ. საქართველოს ეკონომიკისა და მდგრადი განვითარების მინისტრი;

2012 წ. ლენზი-ფიშერ-ჰენდრი (Lenzie Fisher Hendry LLC - Economic Development Consulting) - ეკონომიკური განვითარების საკონსულტაციო კომპანია - USAID-ის საპენსიო რეფორმა სომხეთის რესპუბლიკაში, ფინანსური ინსტიტუტების კომპონენტი, World Bank-ის პროექტი უზრუნველყოფილი კორპორატიული ობლიგაციების ბაზარი;

2006-2011 წწ. ბანკი "ქართუ", გენერალური დირექტორი;

2004-2006 წწ. პირველი კომერციული ბანკი, აღმასრულებელი მენეჯმენტის კონსულტანტი;

1999-2004 წწ. საქართველოს პარლამენტის წევრი, ეკონომიკური პოლიტიკის კომიტეტის თავმჯდომარის მოადგილე, შემდგომში - კომიტეტის წევრი;

1999 წ. სახელმწიფო კანცელარია - ფისკალური, ფულად-საკრედიტო და საგარეო-ეკონომიკური ურთიერთობების სამსახურის უფროსის მოადგილე, საქართველოს მთავრობისა და USAID-ის ერთობლივი პროგრამის მცირე და საშუალო ბიზნესის განვითარების ჯგუფის ხელმძღვანელი;

1998-1999 წწ. "გაერთიანებული ქართული ბანკი", ფილიალების მართვის დეპარტამენტის დირექტორი;

1996-1997 წწ. "ექსპორტ-იმპორტ" ბანკი, ვიცე-პრეზიდენტი;

1993-1996 წწ. - გაერთიანებული ქართული ბანკი - საწყისი პოზიცია - აკრედიტივების ოფიცერი, საბოლოო პოზიცია - საკრედიტო დეპარტამენტის უფროსის მოადგილე.

საგარეო საქმეთა მინისტრი ფლობს ინგლისურ და რუსულ ენებს. გიორგი კვირიკაშვილს ჰყავს მეუღლე და ოთხი შვილი.