"მეტი სასჯელის ღირსი იყო, საქმე გვაქვს სერიულ მკვლელთან" - მოკლული ლაშა მახარაძის დედა

მოკლული ლაშა მახარაძის დედის, ნინო დიდებულიძის განცხადებით, გიორგი ოქროპირიძეს უვადო პატიმრობა უფრო შეეფერებოდა. ამის შესახებ მოკლული ლაშა მახარაძის დედამ მკვლელობაში ბრალდებულის მიმართ ვერდიქტის გამოცხადების შემდეგ განაცხადა.

"რა თქმა უნდა, უვადო პატიმრობა უფრო შეეფერებოდა გიორგი ოქროპირიძის პიროვნებას, მაგრამ მოსამართლემ რატომღაც ასე გადაწყვიტა. მაინც მე განცდა მქონდა, რომ უვადოს მისცემდა მოსამართლე, მეტი ეკუთვნოდა. მეტი სასჯელის ღირსი იყო, როცა საქმე გვაქვს სერიულ მკვლელთან. 20 წლის მერეც რომ გამოვიდეს, იგივე უნდა გააკეთოს და რა პრინციპით არ მისცა მოსამართლემ უვადო პატიმრობა, მე არ ვიცი", - აღნიშნა დიდებულიძემ. გიორგი ოქროპირიძეს ლაშა მახარაძის მკვლელობის საქმეზე 20 წლით თავისუფლების აღკვეთა მიესაჯა.

იხილეთ ვიდეო| "საქმე გვაქვს სერიულ მკვლელთან" - ლაშა მახარაძის დედის პირველი კომენტარი შვილის მკვლელის განაჩენზე

ასევე წაიკითხეთ: "განზრახ მკვლელობა დამამძიმებელ გარემოებაში, კერძოდ - არაერთგზის": სასამართლოს განცხადება ოქროპირიძის სასჯელზე

"ინტერპრესნიუსი"