გიორგი მღებრიშვილი თელავში, პოლიციელის მკვლელობის ადგილზე გაემგზავრა

პოლიციის თანამშრომლის მკვლელობის გამო შინაგან საქმეთა მინისტრმა გიორგი მღებრიშვილმა მთავრობის სხდომა დატოვა. როგორც "ინტერპრესნიუსს" შსს-ში განუცხადეს, გიორგი მღებრიშვილი თელავში გაემგზავრა.

"მინისტრი თელავში, მკვლელობის ადგილზე ჩავა და არსებულ სიტუაციას პირადად გაეცნობა", - აღნიშნეს შსს-ში.

ცოტა ხნის წინ, თელავში, პოლიციის შენობის ეზოში, ცეცხლსასროლი იარაღიდან გასროლით სამართალდამცავი მოკლეს. მკვლელობაში ეჭვმიტანილი დაკავებულია.