არსებული ინფორმაციით, პოლიციელის მკვლელობაში ეჭვმიტანილ 19 წლის ბიჭს ფსიქიკური პრობლემები აქვს
თელავში მომხდარი მკვლელობის შესახებ ახალი დეტალები გახდა ცნობილი. "ინტერპრესნიუსის" ინფორმაციით, მკვლელობაში ეჭვმიტანილმა პოლიციელების მისამართით ცეცხლი სანადირო თოფიდან გახსნა. ამასთან, როგორც სააგენტოს თვითმხილველებმა განუცხადეს, მკვლელობა არა პოლიციის შენობის ეზოში მოხდა, არამედ დაკავებულმა გასროლა შენობის გალავნიდან განახორციელა.
"პოლიციელი ქალი ეზოში იყო, როცა გასროლა მოხდა. ამ დროს მოკლული სამართალდამცავი გელა ლამაზოშვილი პოლიციის შენობაში იმყოფებოდა, თუმცა გასროლის ხმაზე ეზოში გამოვიდა, რა მომენტშიც მისი მისამართითაც გაისროლეს. რაც შეეხება იმას, რომ მკვლელი პოლიციის ეზოში შევარდა, ასე არ არის - ის შენობის გალავანთან იდგა და გასროლაც სწორედ იქედან განახორციელა", - აცხადებენ თვითმხილველები. გარდა ამისა, ვრცელდება ინფორმაცია იმის თაობაზე, რომ მკვლელობაში ეჭვმიტანილს, რომელიც თელავის მკვიდრია, ფსიქიკური პრობლემები აქვს.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
