დავით ნარმანია მის მოადგილედ გიორგი ლილუაშვილს წარადგენს

თბილისის მერი დავით ნარმანია მისი მოადგილის თანამდებობაზე გიორგი სოლომონიას შემცვლელს დღეს წარადგენს. როგორც "ამბები.გე"-ს დედაქალაქის მთავრობიდან აცნობეს, აღნიშნულ პოსტს გიორგი ლილუაშვილი დაიკავებს.

ლილუაშვილის წარდგენა მერიაში 11:00 საათზეა დანიშნული.

თბილისის მერის მოადგილე გიორგი სოლომონიამ თანამდებობა პირადი განცხადების საფუძველზე 12 იანვარს დატოვა. ის მუშაობას ფინანსთა სამინისტროს საგამოძიებო სამსახურში განაგრძობს.

რაც შეეხება გიორგი ლილუაშვილს, ამ დრომდე "ქართუ ჯგუფს" ხელმძღვანელობდა.