როგორ ურტყამს მეჭიაური აქციის მონაწილეს - ირმა ნადირაშვილი სკანდალურ კადრებს ავრცელებს
"ნაციონალური მოძრაობის" ლიდერი ირმა ნადირაშვილი ავრცელებს ვიდეოჩანაწერს, სადაც ჩანს, რომ "ქართული ოცნების" დეპუტატი თამაზ მეჭიაური პარლამენტთან მიმდინარე აქციის მონაწილეს ურტყამს.
აღნიშნული ვიდეოს გავრცელებას წინ უძღოდა მეჭიაურის კომენტარი, რომელშიც ის უარყოფდა მოქალაქეზე ფიზიკურ ანგარიშსწორებას. "არავისთვის დამირტყავს ხელი, რომელი რემბო მე მნახეთ?", - აცხადებდა დეპუტატი.
შეგახსენებთ,რომ პარლამენტთან მიმდინარე აქციის ერთ-ერთი მონაწილე არტურ არუთინოვი ირწმუნება, რომ დეპუტატმა თამაზ მეჭიაურმა ხელი დაარტყა. როგორც "ინტერპრესნიუსის" კორესპონდენტი ადგილიდან იუწყება, თამაზ მეჭიაურს, რომელიც პარლამენტში მივიდა, აქციის მონაწილეები სტვენით და შეძახილებით შეხვდნენ.
არუთინოვის მტკიცებით, აღნიშნულის გამო მას დეპუტატმა ფიზიკური შეურაცხყოფა მიაყენა და სახეში გაარტყა. ადგილზე მობილიზებულია საპატრულო პოლიცია, რომელიც სიტუაციის დასტაბილურებას ცდილობს. პარლამენტთან აქცია ცოტა ხნის წინ დაიწყო. ის მარჯვენასაჭიანი ავტომობილების აკრძალვის წინააღმდეგაა მიმართული.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
