24-26 იანვარს საქართველოში ითოვებს

დღეს მთელ საქართველოში უამინდობაა მოსალოდნელი. როგორც AMBEBI.GE-ს გარემოს დაცვის სამინისტროდან აცნობეს, დღეს საქართველოს მთელ ტერიტორიაზე იწვიმებს, მთაში კი მოთოვს.

მათივე ინფორმაციით, 24-26 იანვარს ქვეყნის ტერიტორიის უმეტეს ნაწილზე მოსალოდნელია თოვლი, ზოგან ძლიერი, მაღალმთიან რაიონებში ზოგგან ქარბუქი. დღის მაქსიმალური ტემპერატურა დაბლობსა და ბარში მოსალოდნელია -1, +4 გრადუსის ფარგლებში. 26-27 იანვარს დაიკლებს ღამის მინიმალური ტემპერატურაც. 27 იანვარს თოვლიანი ამინდი შენარჩუნდება მხოლოდ ცალკეულ რაიონში.