მიხეილ ჯანელიძე ლავროვთან შეხვედრის შესახებ - შეხვედრას სჭირდება შესაბამისი გარემოება და მომზადება

საქართველოს საგარეო საქმეთა მინისტრ მიხეილ ჯანელიძის თქმით, მისი შეხვედრა რუს კოლეგა სერგეი ლავროვთან "შეიძლება შედგეს, თუ იქნება შესაბამისი გარემოებები და იქნება შესაბამისად მომზადებული".

ამასთან, მან თავი შეიკავა დაკონკრეტებისგან, თუ რა გარემოებებს გულისხმობდა.

"შეხვედრას სჭირდება შესაბამისი გარემოება და მომზადება, ამ საკითხებზე, რა თქმა უნდა, ახლა ვერ ვისაუბრებ", - განუცხადა ჯანელიძემ ჟურნალისტებს მთავრობის სხდომის დასრულების შემდეგ.

"ინტერპრესნიუსი"