3-დან 6 თებერვლამდე გამოიდარებს - უახლოესი დღეების ამინდის პროგნოზი

1 თებერვალს საქართველოში შენარჩუნებული იქნება თბილი და უმეტესად უნალექო ამინდი.

გარემოს ეროვნული სააგენტო უახლოეს დღეებში მოსალოდნელი ამინდის შესახებ ინფორმაციას ავრცელებს:

2 თებერვალს ქვეყნის ტერიტორიის უმეტეს ნაწილზე მოსალოდნელია წვიმა, მთაში თოვლი, მაღალმთიან რაიონებში შესაძლებელია ქარბუქი. იქროლებს დასავლეთის ძლიერი ქარი. ჰაერის ტემპერატურა იქნება + 4, +9 გრადუსი.

3-დან 6 თებერვლამდე გამოიდარებს. მოსალოდნელია უნალექო ამინდი, ჰაერის ტემპერატურა +13, +18 გრადუსამდე მოიმატებს.

6 თებერვალს მოსალოდნელია წვიმა, მთაში თოვლი. 7 თებერვლიდან საქართველოს მთელ ტერიტორიაზე გამოიდარებს.