დადიან თუ არა სუს-ელები SU-SS ნომრებით - რა განმარტებას აკეთებს ნინო გიორგობიანი

სახელმწიფო უსაფრთხოების სამსახურის საზოგადოებასთან ურთიერთობის სამსახურის უფროსი ნინო გიორგობიანი ფეისბუქის პირად გვერდზე აქვეყნებს სტატუსს:

"ამ დღეების განმავლობაში ვრცელდება არასწორი ინფორმაცია იმის შესახებ, რომ SS-US სერიით სარგებლობენ სახელმწიფო უსაფრთხოების სამსახურის თანამშრომლები. ქვეყნდება კონკრეტული მანქანების ნომრებიც. რამდენიმე დღის წინაც განვაცხადე და დღესაც ვაცხადებ, რომ აღნიშნული სერიის მანქანები სუს-ს საერთოდ არ ჰყავს. SU-SS და SS-US სერიით ნომრის აღება ნებისმიერ მსურველს შეუძლია მომსახურების სააგენტოს ვებ-გვერდის მეშვეობით" - ამის დასადასტურებლად გიორგობიანი სააგენტოს ვებ-გვერდიდან აღნიშნული სერიული ნომრების ფოტოებს ავრცელებს, რომელიც გაყიდვაშია და მისი შეძენის საშუალება ნებისმიერ მსურველს აქვს.