"ოცნების" დეპუტატის თქმით, ბერას ახალმა ტექნოლოგიებმა გრძნობები არ გაუუხეშა - "ნახეთ ინტერვიუ და დარწმუნდებით, რომ ახალგაზრდებს HighTech ერაშიც შეუძლიათ ადამიანურობა"
საქართველოს პარლამენტის წევრი "ქართული ოცნებიდან" თამარ ტალიაშვილი "ფეისბუქის" პირად გვერდზე ბერა ივანიშვილის გუშინდელ ინტერვიუს ეხმაურება. დეპუტატი ინტერვიუს ყურების შემდეგ ამბობს, რომ მომღერალს ახალმა ტექნოლოგიებმა გრძნობები არ გაუუხეშა.
"ერთს ვიტყვი ინტერვიუსთან დაკავშირებით - ბევრი წუხს, ახალი ტექნოლოგიები ახალგაზრდებში ადამიანურ გრძნობებს აუხეშებს, ემოციურ ინტელექტს აქვეითებსო. ნახეთ ეს ინტერვიუ და დარწმუნდებით, რომ ახალგაზრდებს HighTech ერაშიც შეუძლიათ შეინარჩუნონ უშუალობა, გულწრფელობა, ადამიანურობა, მიუხედავად უზარმაზარი წნეხისა და პროვოკაციებისა.
და მაინც კვლავ გაგვახსენდა რეპრესიული, შფოთით სავსე წარსული. ის ვინც საკუთარ საუკეთესო მიღწევებსა და წარმატების ზენიტს რეჟიმის 9 წელიწადს უკავშირებს, ბუნებრივია, ცნობიერად თუ ქვეცნობიერად იმ წარსულის პრიზმიდან მსჯელობს, მოქმედებს და გეგმავს პოლიტიკურ სვლებს. ასეთ გარემოცვაში წარსულის შლეიფი გრძელი, მძიმე და შემაფერხებელია... ხალხს კი ევროპისკენ სვლა ჩქარი ნაბიჯებით სურს..." - წერს დეპუტატი.
გუშინ მომღერალი ბერა ივანიშვილი "იმედის" ეთერში გავრცელებულ სკანდალურ ფარულ აუდიოჩანაწერებს გამოეხმაურა და ირიბად მათი ავთენტურობა დაადასტურა. მომღერლის თქმით, "თუ ვინმე დედას შემაგინებს, ჩემს ოჯახს შეეხება, აუცილებლად პასუხს მოვთხოვ დღესაც".
"ბავშვის მამა ცოლს ეჩხუბებოდა, რაებს ყვებით პოლიციასთანო... შეეშინდა მოძალადის" - ბაია პატარაია 9 წლის გოგონაზე სავარაუდო ძალადობის ფაქტს ეხმაურება
რა უთხრა პრინცმა ფილიპემ ბარაკ ობამას რუსეთის ლიდერთან შეხვედრის შემდეგ - ზურაბ მეძველია ჰერცოგის ცხოვრების ნაკლებად ცნობილი ისტორიებით
