თბილისში დღეს ჰაერის ტემპერატურამ ნახევარ საუკუნის მაქსიმუმს გადააჭარბა

თბილისში დღეს უჩვეულო სითბო იყო. გარემოს ეროვნული სააგენტოს ინფორმაციით დედაქალაქში 15 თებერვალს, ჰაერის მაქსიმალური ტემპერატურა +21.0°c დაფიქსირდა.

სააგენტოს ისტორიულ მონაცემებზე დაყრდნობით,15 თებერვალს თბილისში ყველაზე მაღალი ტემპერატურა 1962 წელს +21.2°C დაფიქსირდა.

აღსანიშნავია, რომ გარემოს ეროვნული სააგენტოს არქივში კლიმატზე დაკვირვების პირველი მონაცემები 1881 წლით თარიღდება.