ბათუმის ვიცე-მერს ბაგრატ მანველიძეს ახალგაზრდა მამაკაცმა სცემა. მერიის პრესსამსახურის ინფორმაციით, შემთხვევა რამდენიმე დღის წინ მოხდა და ის არ უკავშირდება ვიცე-მერის საქმიანობას. პრესსამსახურში აცხადებენ, რომ ბაგრატ მანველიძის პირად საკითხზე მერია კომენტარს ვერ გააკეთებს.
თავად ვიცე-მერი ჟურნალისტების სატელეფონო ზარებს არ პასუხობს. შინაგან საქმეთა სამინისტროს ინფორმაციით, მომხდართან დაკავშირებით გამოძიება სისხლის სამართლის კოდექსის 125-ე მუხლით მიმდინარეობს, რაც ცემას გულისხმობს.
ნინო ხოზრევანიძე
AMBEBI.GE