"არც სუს-ისგან და არც შსს-სგან დაბლოკვის ბრძანება არ მიგვიღია" - რატომ დაებლოკა youtube ქართველ ინტერნეტმომხმარებელს
ერთ საათზე მეტია ინტერნეტმომხმარებლები ჩივიან, რომ youtube-ზე წვდომა შეზღუდული აქვთ. აღნიშნული ეხება როგორც "სილქნეტის", ისე "კავკაზუს ონლაინის" აბონენტებს.
"აეე YOUtube დამიბრუნეთ!!! არ გადაგვაყოლეს ამ "პირად თუ უკვე სახალხო ცხოვრებას"?!; "Youtube დაბლოკეს?მოგესალმებით საქართველოს ფსიქიატრიული რესპუბლიკიდან"; "Youtube-ს დაბლოკვა რა გამოსავალია??? ცუდად შეაჩვიეს ხელი"; ამათ ცოტა დაცურებული ხო არ აქვთ YouTube რა პონტში დაბლოკეს", - წერენე ფეისბუქზე ინტერნეტმომხმარებლები, რომლებიც ვიდეოპორტალზე წვდომის შეზღუდვას რამდენიმე საათის წინ გავრცელებულ ახალ ფარულ ჩანაწერებს უკავშირებენ.
შევეცადეთ გაგვერკვია, რას უკავშირდება youtube -ის დაბლოკვა ინტერნეტმომხმარებლებისთვის. როგორც "სილქნეტის" საზოგადოებასთან ურთიერთობის სამსახურში ambebi.ge-ს განუცხადეს, ამ ფაქტს პირადი ცხოვრების ამსახველი კადრების გავრცელებასთან კავშირი არ აქვს და ტექნიკური ჯგუფის ინფორმაციით, ხარვეზი მალე გამოსწორდება. "არც სუს-ისგან და არც შსს-სგან არ მიგვიღია დაბლოკვის ბრძანება. ტექნიკური ხარვეზია და მალე გამოსწორდება," - აღნიშნეს "სილქნეტში".
მთავარმა პროკურატურამ ინტერნეტში დღეს გავრცელებულ, პირადი ცხოვრების ამსახველ კიდევ ერთ ვიდეოსთან დაკავშირებით გამოძიება დაიწყო. გამოძიება სისხლის სამართლის კოდექსის 157-ე მუხლით დაიწყო, რაც პირადი ცხოვრების ამსახველი ინფორმაციის უკანონოდ გავრცელებას გულისხმობს.
ქრისტინე გამთენაძე
AMBEBI.GE
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
