პრეზიდენტის სასახლის დანგრეული სამეზობლო
ნანგრევებად ქცეული და დანგრევის პირას მყოფი სახლები - ასე გამოიყურება ავლაბარში პრეზიდენტის სასახლის მიმდებარე ტერიტორია. ისევე როგორც თბილისის ბევრ ძველ უბანში, აბდუშელიშვილისა და მიმდებარე ქუჩებზე შენობების უმეტესობა რეაბილიტაციას საჭიროებს, ნაწილი აღარც რეაბილიტაციას ექვემდებარება და დანგრეულია. ამორტიზებულ სახლებში აღარავინ ცხოვრობს.
რეზიდენცია ოფიციალურად 2009 წლის 12 ივლისს, მიხეილ სააკაშვილის პრეზიდენტობის დროს გაიხსნა. იგი წარმოადგენს ერთ კვარტალში გაერთიანებულ განსხვავებულ არქიტექტურულ კომპლექსს, თუმცა ამ კომპლექსში არ შედის რეზიდენციიდან რამდენიმე მეტრში მდებარე "სულ სხვა თბილისი" - წლების მანძილზე პრეზიდენტის სამეზობლოს ნანგრევები უფრო ემატება, ვიდრე ახალი შენობები. აღსანიშნავია, რომ ადგილობრივების განცხადებით, დანგრეული შენობებისთვის ყურადღება პრეზიდენტის არც წინა და არც ამჟამინდელ ადმინისტრაციას მიუქცევია. მიხეილ სააკაშვილმა ავლაბრის რეზიდენციაში 5 წელი - 2009-დან 2013 წლამდე პერიოდი გაატარა. რეზიდენცია მისთვის სამუშაო და ნაწილობრივ საცხოვრებელი სივრცეც იყო. რაც შეეხება გიორგი მარგველაშვილს, ხანგრძლივი განხილვების შემდეგ, ის და მისი ადმინისტრაცია 2014 წლიდან მუშაობს რეზიდენციის შენობაში.
ინგა მურუსიძე, ლექსო ნაბახტეველი
AMBEBI.GE
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
