დაუნის სინდრომის მქონე ბავშვებმა ჯარისკაცებთან ერთად ასფალტზე მზე დახატეს
დღეს, 21 მარტს დაუნის სინდრომის საერთაშორისო დღეა. თავდაცვის სამინისტროში ამ დღესთან დაკავშირებით დაუნის სინდრომის მქონე პატარებს უმასპინძლეს. "მზის შვილებმა", ჯარისკაცებმა და თავდაცვის მინისტრმა ასფალტზე ცარცით სიმბოლურად მზე დახატეს. თავდაცვის მინისტრმა თინა ხიდაშელმა ბავშვებს საჩუქრებიც გადასცა.
"ჩვენც გვინდოდა ჯარი გამოხმაურებოდა მზის შვილების აქციას. ჯარშიც გვყავს ასეთი შვილები, სოლიდარულები ვართ, ვმეგობრობთ და გვიყვარს სხვისი შვილებიც. ამის დასტურად და ამის ნიშნად, გვინდოდა ეს ხალისიანი აქცია გაგვეკეთებინა, სადაც ბავშვები და სამხედროები ერთად დავხატავდით მზეს და ვეტყოდით მთელ საქართველოს, რომ მეგობრები ქრომოსომებს არ ითვლიან, ჩვენ ყველანი ერთად მზის შვილები ვართ", - განაცხადა მინისტრმა. ღონისძიებას სამხედროების შვილებიც ესწრებოდნენ.
ლექსო ნაბახტეველი
AMBEBI.GE
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
