თბილისში ინოვაციური ნაგვის ურნები დაიდგმება

 თბილისში ინოვაციური ნაგვის ურნები დაიდგმება

თბილისში, კარგარეთელის ქუჩის რეაბილიტაციის ფარგლებში, აღნიშნულ ტერიტორიაზე ინოვაციური ნაგვის ურნები განთავსდება, - ამის შესახებ "ბიზნესპრესნიუსს" მერიის სსიპ "ტექნოლოგიური განვითარების ფონდიდან" აცნობეს.

"კარგარეთელის ქუჩაზე ფასადების რეაბილიტაცია მიმდინარეობს - დაირგვება ახალი მცენარეები, გაკეთდება მზის ენერგიაზე მომუშავე გარე განათება. დაიდგმება ინოვაციური ურნები, რომელშიც მეტი მყარი ნარჩენი განთავსება და ურნა ნაგავს ავტომატურად დაპრესავს. ინოვაციურ ნაგვის ურნებთან ნაგვის დამცლელ მანქანას დღეში ორჯერ ან ერთხელ სჭირდება მისვლა, ამიტომ ეს ქუჩა უფრო ნაკლებად დაიტვირთება", - განაცხადა "ტექნოლოგიური განვითარების ფონდის" ადმინისტრაციული სამსახურის უფროსმა გიორგი გაბიძაშვილმა.

პროექტის ფარგლებში ასევე იგეგმება ავტობუსების გაჩერებაზე მზის ენერგიაზე მომუშავე მოწყობილობების დამონტაჟება, რომლის მეშვეობით მობილური ტელეფონის დამუხტვა იქნება შესაძლებელი.

გიორგი გაბიძაშვილის ინფორმაციით, ამ ეტაპზე პროექტი ლევან სამხარაულის სახელობის სასამართლო ექსპერტიზის ეროვნულ ბიუროში ექსპერტიზაზეა შეტანილი, რისი დასრულების მერეც ტენდერი გამოცხადდება. პროექტის განხორციელება შემოდგომისთვის იგეგმება. პროექტს "ტექნოლოგიური განვითარების ფონდი" ახორციელებს.

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია