რუსეთმა ოთარ ყალიჩავას, მეტსახელად ოთარიკ ზუგდიდსკის ექსტრადიცია განახორციელა

რუსეთმა ქართველი ე.წ. კანონიერი ქურდის, ოთარ ყალიჩავას, მეტსახელად ოთარიკ ზუგდიდსკის ექსტრადიცია განახორციელა. ამის შესახებ რუსული მედია წერს.

გავრცელებული ცნობით, ყალიჩავას ექსტრადირება მოსკოვიდან თბილისში განხორციელდა.

იხილეთ ვიდეო| ოთარიკ ზუგდიდსკის აყვანის კადრები რუსეთიდან

"რუსეთის შინაგან საქმეთა სამინისტროს მთავარი საგამოძიებო დეპარტამენტის თანამშრომლებმა ლიპეცკელ კოლეგებთან ერთად 36 წლის მამაკაცი, საქართველოს მოქალაქე, ე.წ კანონიერი ქურდი დააკავა, რომლის მეტსახელია ოთარიკ ზუგდიდსკი", - განაცხადა შინაგან საქმეთა სამინისტროს წარმომადგენელმა ირინა ვოლკმა.

როგორც AMBEBI.GE-ს შსს-ში განუცხადეს, რუსეთიდან ოთარ ყალიჩავას არა ექსტრადირება, არამედ დეპორტაცია განხორციელდა. რაც შეეხება ყალიჩავას კანონიერ ქურდობას, შსს-ს განმარტებით, მას "მსგავსი წოდება არ აქვს და შესაბამისად, ის საქართველოში, როგორც დეპორტირებული მოქალაქე ისე შემოვიდა".