ზურაბ ტყემალაძე დავით ბერძენიშვილის განცხადებაზე - ყველამ თავის მამიდას მიხედოს

უკეთესი იქნება, ყველამ თავის მამიდას მიხედოს, - ასე პასუხობს "მრეწველების" ერთ-ერთი ლიდერი ზურაბ ტყემალაძე "რესპუბლიკელ" დეპუტატს, დავით ბერძენიშვილს.

როგორც ტყემალაძემ ჟურნალისტებს განუცხადა, დავით ბერძენიშვილი და ''რესპუბლიკური'' პარტია საზოგადოების შეცდომაში შეყვანას ცდილობს.

''მაინტერესებს, როდესაც ბატონი ბერძენიშვილი მსგავს განცხადებებს აკეთებს, როგორ უნდა დაატოვებინოს თანამდებობა გოგი თოფაძეს ან სხვებს?! უკეთესი იქნება , ყველამ თავის მამიდას მიხედოს! განცხადებები, რომლებსაც ჩვენ ვაკეთებთ, ემსახურება სახელმწიფოს და ევროპულ ინტერესებს. მაინტერესებს, როგორ აპირებს ბატონი ბერძენიშვილი გოგი თოფაძის და სხვების თანამდებობებიდან გადაყენებას?! დავით ბერძენიშვილი და ''რესპუბლიკური პარტია'' საზოგადოების შეცდომაში შეყვანას ცდილობს", - აღნიშნა ზურაბ ტყემალაძემ.

დეპუტატის შეფასებით, დავით ბერძენიშვილის მხრიდან ბიძინა ივანიშვილის მიმართ გაჟღერებული მოწოდებები სპეკულაციაა და ''რესპუბლიკური პარტიის'' წარმომადგენლებს თანამდებობების დატოვებას ურჩევს. "ბიძინა ივანიშვილის მისამართით გაჟღერებული მოწოდება, რა თქმა უნდა, სპეკულაციაა. როდესაც საუბარია კოალიციის და თანამდებობების დატოვებაზე, სჯობს "რესპუბლიკელებმა" უმოკლეს დროში თავად მიიღონ მსგავსი გადაწყვეტილება", - განუცხადა ჟურნალისტებს ზურაბ ტყემალაძემ.