ირაკლი ღარიბაშვილი "ქართული ოცნების" ყრილობას დაესწრება
ოფიციალური ინფორმაციით, ყრილობის მოსაწვევები მიიღეს ყოფილმა პრემიერ-მინისტრებმა ბიძინა ივანიშვილმა და ირაკლი ღარიბაშვილმა.
"ქართული ოცნება-დემოკრატიული საქართველო" დღეს ყრილობას გამართავს. პოლიტიკური გაერთიანება "ქართული ოცნება-დემოკრატიული საქართველო" დღეს რიგით IV ყრილობას გამართავს. ყრილობაზე პარტიის წევრები ახალ თავმჯდომარეს აირჩევენ. ამ პოსტზე წარდგენილია პრემიერ-მინისტრი გიორგი კვირიკაშვილი. ყრილობა ასევე პარტიის პოლიტსაბჭოს განახლებულ შემადგენლობას აირჩევს და ახალ წესდებას დაამტკიცებს.
"ქართული ოცნების" აღმასრულებელი მდივნის ირაკლი კობახიძის ინფორმაციით, ყრილობაზე მიწვეული არიან ყოფილ პრემიერ-მინისტრები ბიძინა ივანიშვილი და ირაკლი ღარიბაშვილი.
პარტიულ ყრილობაზე "ქართულმა ოცნებამ" დიპლომატიური კორპუსისა და არასამთავრობო ორგანიზაციების წარმომადგენლებიც მიიწვია.
პარტიის ყრილობა თბილისის სპორტის სასახლეში 16:00 საათზე დაიწყება.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
