"დაკავების დროს მაგდა პაპიძე ორსულად იყო" - ექიმის ჩვენება სასამართლო პროცესიდან

"დაკავების დროს მაგდა პაპიძე ორსულად იყო" - ექიმის ჩვენება სასამართლო პროცესიდან

ექიმის ინფორმაციით, დაკავების დროს მაგდა პაპიძე ორსულად იყო, - ამის შესახებ ღუდუშაურის კლინიკის გინეკოლოგმა ნატა ფირცხალავამ ჟურნალისტებს მეუღლისა და შვილის მკვლელობაში ბრალდებულ მაგდა პაპიძის სასამართლო პროცესის დასრულების შემდეგ განუცხადა.

ექიმი დღევანდელ პროცესზე მოწმის სტატუსით დახურულ რეჟიმში დაიკითხა. როგორც ფირცხალავამ პროცესის შემდეგ განაცხადა, მაგდა პაპიძე თავდაპირველად 2015 წლის 23 დეკემბერს გასინჯეს და მას ორსულობა დაუდგინდა.

"ორი-სამი კვირის ორსული იყო. განმეორებით 26 დეკემბერს გავსინჯეთ და ორსულობა უკვე შეწყვეტილი იყო. ამ სამი დღის განმავლობაში ჩვენთან კლინიკაში იმყოფებოდა. მიზეზს ვერ გეტყვით, თუ რატომ შეწყდა ორსულობა. მაგდა პაპიძემ თავად იცოდა, რომ იყო ორსულად და აინტერესებდა, ვითარდებოდა თუ არა ეს ორსულობა", - განაცხადა ნატა ფირცხალავამ. გინეკოლოგის ინფორმაციით, ბრალდებულს გასინჯვის დროს რაიმე სახის დაზიანებები არ აღენიშნებოდა.

მაგდა პაპიძე მეუღლისა და შვილის მკვლელობის ბრალდებით 2015 წლის 20 დეკემბერს დააკავეს.

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ