გუკა რჩეულიშვილი დაკითხვაზე არ გამოცხადდა

გუკა რჩეულიშვილი თბილისის პროკურატურაში დაკითხვაზე არ გამოცხადდა. პროკურატურასთან არც რჩეულიშვილის ადვოკატი გამოჩენილა.

გუკა რჩეულიშვილი საგამოძიებო უწყებაში 11:00 საათზე იყო დაბარებული. რაც შეეხება მაია რჩეულიშვილს, მას თბილისის პროკურატურაში 13:00 საათზე ელოდებიან.

შეგახსენებთ, რომ "ცენტრ-პოინტ აჭარის" საინვესტიციო პროექტის ხელმძღვანელი ირაკლი მინდელი და გაყიდვების მენეჯერი სალომე ჩარკვიანი გუშინ დააკავეს. არსებული ინფორმაციით, მათი აყვანა ბათუმის პროექტ "თეთრ მაგნოლიას" უკავშირდება. აღნიშნულ საქმესთან დაკავშირებით პროკურატურა განცხადებას დღეს გააკეთებს.