"როსტოს" და "კურტანას" პირველი ფოტოები გათავისუფლების შემდეგ

ტელეწამყვანი ლევან როსტოშვილი, იგივე როსტო 150 ათასლარიანი გირაოს სანაცვლოდ გაათავისუფლეს. 150 ათასი ლარის ოდენობის გირაოს გადახდა მოუწევს მასთან ერთად დაკავებულ მსახიობ ლაშა კურტანიძესაც.

აღმკვეთი ღონისძიების გირაოთი ჩანაცვლების შესახებ ბრალდებულთა ადვოკატმა იშუამდგომლა. მოსამართლემ დაცვის მხარის შუამდგომლობა გაითვალისწინა და ორივე დაკავებული სასამართლო დარბაზიდან გაათავისუფლა. მათ გირაოს თანხის შესატანად 5 დღიანი ვადა აქვთ.

ლევან როსტოშვილი და ლაშა კურტანიძე 5 მაისს დააკავეს. გამოძიების ინფორმაციით, როსტოშვილსა და კურტანიძეს 42.9524 გრამი ნარკოტიკული საშუალება MDMA აღმოაჩნდათ.