სოფელ ჭუბერში დაკარგული ორი გოგონა ქობულეთში იპოვეს

მესტიის მუნიციპალიტეტის სოფელ ჭუბერში გაუჩინარებული ორი მოზარდი გოგონა ქობულეთში იპოვეს.

აღნიშნული ინფორმაცია "ინტერპრესნიუსს" საქართველოს შინაგან საქმეთა სამინისტროში დაუდასტურეს. დაკარგული მოზარდები დღეს ნახეს. გოგონები კარგად არიან და მათ ჯანმრთელობას საფრთხე არ ემუქრება.

სოფელ ჭუბერში მოზარდები ბოლოს ორი დღის წინ ნახეს. მას შემდეგ შესაბამისი უწყებების მიერ გოგონების სამძებრო სამუშაოები მიმდინარეობდა.