გივი თარგამაძის ავტომანქანის აფექთების ფაქტზე გამოძიება დამამძიმებელ გარემოებაში განზრახ მკვლელობის მცდელობის მუხლით დაიწყო

შინაგან საქმეთა სამინისტროს ინფორმაციით, "პირიმზესთან" მომხდარი აფეთქების ფაქტზე გამოძიება 19-109-ე მუხლით დაიწყო, რაც დამამძიმებელ გარემოებაში განზრახ მკვლელობის მცდელობას გულისხმობს.

ამის შესახებ "ინტერპრესნიუსს" უწყების პრესსამსახურში განუცხადეს.

"ნაციონალური მოძრაობის" ინფორმაციით, უცნობმა პირებმა მათი ერთ-ერთი ლიდერის, გივი თარგამაძის ავტომანქანა ააფეთქეს. შემთხვევა "ნაციონალური მოძრაობის" ოფისთან მოხდა. შემთხვევას მსხვერპლი არ მოჰყოლია, თუმცა დაშავებულია ერთი ადამიანი, სავარაუდოდ, მძღოლი. იგი ინგოროყვას კლინიკაშია გადაყვანილი და ამ წუთებში ოპერაცია უტარდება.