ლელა კილაძე სასამართლოდან გუკა რჩეულიშვილის ფოტოებს ავრცელებს

თბილისის საქალაქო სასამართლოში "ცენტრ პოინტის" პროცესი იმართება. დაცვის მხარე დღევანდელ პროცესზე აღკვეთის ღონისძიების შეცვლის შუამდგომლობის დაყენებას აპირებს.

სასამართლო პროცესს ბრალდებულის ოჯახის წევრები ესწრებიან, მათ შორის ორსული მეუღლე ლელა კილაძე, რომელიც სასამართლოდან გუკა რჩეულიშვილის ახალ ფოტოებს ავრცელებს.

შეგახსენებთ, გუკა რჩეულიშვილი და კომპანია "ცენტრ პოინტის" დამფუძნებელი მაია რჩეულიშვილი წინასწარ პატიმრობაში უკვე სამი თვეა იმყოფებიან. მათ თანხების მითვისებასა და გაფლანგვაში ედებათ ბრალი. საქმე რამდენიმე ეპიზოდს მოიცავს, რომელთაგან ერთ-ერთზე - "ბათუმის მაგნოლიას" საქმეზე გუკა და მაია რჩეულიშვილებს წინასწარი პატიმრობა აქვთ შეფარდებული.