მინსკის ეროვნულ აეროპორტში, მინსკი-კიევის რეისზე, საქართველოს 28 წლის მოქალაქე დააკავეს. ამის შესახებ ადგილობრივი მედია სახელმწიფო საზღვრის დაცვის კომიტეტის პ რესსამსახურზე დაყრდნობით იუწყება.
მათი ინფორმაციით, მამაკაცმა თავდაპირველად წარადგინა პასპორტი, რომელსაც გაყალბების ნიშნები ემჩნეოდა, შემდეგ კი აღმოჩნდა, რომ ის საერთაშორისო ძებნაში იმყოფება.
დაკავებულის მიმართ სისხლის სამართლის საქმე დოკუმენტების გაყალბების მუხლით აღიძრა, რაც ორ წლამდე თავისუფლების აღკვეთას გულისხმობს. ამ დროისთვის არ კონკრეტდება, რა მიზეზით იმყოფება აღნიშნული პირი საერთაშორისო ძებნაში. დაკავებულის ვინაობა არ სახელდება.