მცხეთაში "ქართული ოცნების" კანდიდატი დიმიტრი ხუნდაძე მცირე უპირატესობით ლიდერობს

ცენტრალური საარჩევნო კომისიის წინასწარი მონაცემებით, მცხეთის #37-ე მაჟორიტარულ ოლქში "ქართული ოცნების" კანდიდატი დიმიტრი ხუნდაძე მცირე უპირატესობით ლიდერობს.

ამ დროისთვის დათვლილია ყველა - 45-ვე უბანი. "ქართული ოცნების" კანდიდატ დიმიტრი ხუნდაძეს ხმათა 50,11% აქვს, ხოლო მის კონკურენტს, დამოუკიდებელ კანდიდატ ცეზარ ჩოჩელს - 49,89%. აღნიშნული მონაცემების მიხედვით, დიმიტრი ხუნდაძემ ცეზარ ჩოჩელზე 60-ით მეტი, სულ 13 736 ხმა მიიღო.