რა უნდა იცოდეთ გამათბობლებზე - ამით შერჩევა უფრო ადვილია

ყველაზე იაფი და სწრაფი ეფექტის მქონე თბოელექტრო ვენტილეტორებია. მათი უპირატესობა ის გახლავთ, რომ ჩართვისთანავე აქტიურად აფრქვევენ თბილ ჰაერს და 2-3 წუთში ოთახში სითბო იგრძნობა. ასეთი გამათბობელი ძალიან ეფექტურია ისეთი ოჯახებისთვის, რომელთა წევრებიც მთელი დღის განმავლობაში გასულები არიან და მთელი დღით მთელი სახლის გათბობა არ უღირთ, ან მხოლოდ საერთო ოთახს ათბობენ და საძინებლებში მხოლოდ დაწოლის წინ და ადგომისას სჭირდებათ სითბო.

დადებითი მხარეა ისიც, რომ საკმაოდ იაფი ღირს და რომც გაფუჭდეს, მისი ხელმეორედ შეძენა ძალიან არ დაგაზარალებთ, იდეალურია აბაზანაში - მთავარია წყლის წვეთები არ მოხვდეს, სითბოში ბანაობა გარანტირებული გაქვთ.

ამ გამათბობლების ნაკლია:

1. აშრობს ჰაერს

2. ათბობს მაქსიმუმ 20-25 კვადრატულ მეტრ ოთახს (2 კილოვატიანი)

3. მთელი დღით მის იმედზე ვერ იქნებით. საათობით სისტემატურმა მუშაობამ, შეიძლება, მალე გამოიყვანოს წყობიდან

ელექტრობატარეა

ის ჰაერს არ აშრობს. ასევე თამამად შეგიძლიათ დატოვოთ მთელი ღამის განმავლობაში. თავისით ჩაირთვება და გამოირთვება იმის მიხედვით, რა ტემპერატურის შენარჩუნებასაც მიუთითებთ. მასზე სარეცხის გაშრობაც შეგიძლიათ, თუმცა, უფრო ძვირი ღირს... განაგრძეთ კითხვა