გამოსამშვიდობებელი "სელფი" მოქმედი მთავრობის ბოლო სხდომიდან

სახელმწიფო მინისტრის მოვალეობის შემსრულებელი, დავით ბაქრაძე "ტვიტერზე" მთავრობის დღევანდელი სხდომის შემდეგ გადაღებულ "სელფს" აქვეყნებს.

"დიდი მადლობა გიორგი კვირიკაშვილს და კოლეგებს გასული წლების განმავლობაში ერთობლივი, წარმატებული ძალისხმევისთვის საქართველოს ევროკავშირთან და ნატო-სთან დასაახლოვებლად! მოუთმენლად ველოდები საქმიანობის დაწყებას ვაშინგტონში", - წერს დავით ბაქრაძე "ტვიტერზე".

დავით ბაქრაძე აშშ-ში საქართველოს ელჩად მუშაობას დეკებრიდან შეუდგება. მთავრობის მოქმედმა შემადგენლობამ დღეს ბოლო სხდომა გამართა.