გიგა ბოკერია - "ნაციონალურ მოძრაობას" სჭირდება თავმჯდომარე და დავით ბაქრაძე საუკეთესო კანდიდატურაა

გიგა ბოკერია - "ნაციონალურ მოძრაობას" სჭირდება თავმჯდომარე და დავით ბაქრაძე საუკეთესო კანდიდატურაა

"ნაციონალურ მოძრაობას" სჭირდება თავმჯდომარე და დავით ბაქრაძე საუკეთესო კანდიდატურაა, - ამის შესახებ ჟურნალისტებს "ერთიანი ნაციონალური მოძრაობის" პოლიტსაბჭოს სხდომის დასრულების შემდეგ პარტიის წევრმა გიგა ბოკერიამ განუცხადა.

მისი თქმით, პარტიის თავმჯდომარის არჩევის საკითხი ყრილობაზე დადგება. "პოლიტსაბჭომ მიიღო გადაწყვეტილება, რომ ყრილობა ჩატარდეს იანვრის ბოლოს. მე ამას არ ვეთანხმებოდი, მაგრამ პოლიტსაბჭომ ასე გადაწყვიტა. ვფიქრობ, თავმჯდომარედ ბაქრაძის არჩევა პარტიას წაადგება. მიხეილ სააკაშვილი არ არის თავმჯდომარე, რადგან შექმნილი ვითარებიდან გამომდინარე დღეს დევნილია. პარტიის თავმჯდომარის არჩევის საკითხი ცალკეა, შემდეგ პოლიტსაბჭოზე გადაწყდება და ყრილობაზეც დადგება ალტერნატივები. დღეს უბრალოდ გადაწყდა, როდის და რა ფორმით ჩატარდება ყრილობა. ამ პარტიას სჭირდება თავმჯდომარე და დავით ბაქრაძე საუკეთესო კანდიდატურაა. ყრილობამდეც იქნება ამ საკითხზე მსჯელობა", - განაცხადა გიგა ბოკერიამ.

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა

ვანო ზარდიაშვილი პარლამენტს ტოვებს - "ჩემ უკან დგას ჩემი ოჯახი და მცირეწლოვანი შვილები..."