ბუტა რობაქიძის მამა დააკავეს? - რა კომენტარს აკეთებენ შსს-ში

ცოტა ხნის წინ გავრცელდა ინფორმაცია, რომ სამართალდამცველებმა სოსო რობაქიძე და მისი ძმა დააკავეს. სოსო რობაქიძე 2004 წელს დიდუბის პანთეონთან მოკლული ბუტა (ამირან) რობაქიძის მამაა.

შინაგან საქმეთა სამინისტრო გავრცელებულ ინფორმაციას არ ადასტურებს. სოსო რობაქიძისა და მისი ძმის დაკავების საკითხზე კომენტარი უწყების პრესსამსახურში გააკეთეს.

"გავრცელდა ინფორმაცია ორი პირის დაკავების შესახებ, თუმცა არც ერთის დაკავება არ დასტურდება", - აღნიშნეს შსს-ში AMBEBI.GE-სთან საუბრისას.