გიორგი კვირიკაშვილი - უვიზო მიმოსვლის რეჟიმი დიდი მონაპოვარია საქართველოს მოსახლეობისთვის, მათ შორის ოკუპირებულ ტერიტორიებზე მცხოვრები მოსახლეობისთვის
ეს ისტორიული დღეა საქართველოსთვის და ასევე ევროკავშირისთვის. ევროკავშირსა და საქართველოს შორის უვიზო მიმოსვლის დაწესება გარდამტეხი მიღწევაა, - განაცხადა საქართველოს პრემიერ-მინისტრმა გიორგი კვირიკაშვილმა ევროკომისიის პრეზიდენტ ჟან-კლოდ იუნკერთან გამართულ ერთობლივ პრესკონფერენციაზე განაცხადა.
"ეს მიღწევა ხელშესახებ სარგებელს მოუტანს ჩვენს მოქალაქეებს და ხალხს შორის კონტაქტებს უფრო გააძლიერებს. უვიზო მიმოსვლის რეჟიმი დიდი მონაპოვარია საქართველოს მოსახლეობისთვის, მათ შორის განსაკუთრებით ოკუპირებულ ტერიტორიებზე მცხოვრები მოსახლეობისთვის", - აღნიშნა გიორგი კვირიკაშვილმა.
მან მადლობა გადაუხადა ევროკომისიას და პირადად ჟან-კლოდ იუნკერს ვიზალიბერალიზაციის დიალოგის დასრულებაში შეტანილი ფასდაუდებელი წვლილისთვის. "დამერწმუნეთ, რეფორმების პროცესი არ შეჩერდება. საქართველო ერთგული რჩება, განაგრძოს მჭიდრო თანამშრომლობა ევროკომისიის სამსახურებთან. პრეზიდენტ იუნკერთან შენდგომი ნაბიჯები განვიხილეთ, რაც კიდევ უფრო გააღრმავებს ჩვენს პარტნიორობას. ჩვენი თანამშრომლობის მთავარ ქვაკუთხედად ასოცირების ხელშეკრულება რჩება. ასოცირების ხელშეკრულების სრული განხორციელება ჩვენი მთავრობის პრიორიტეტია", - განაცხადა გიორგი კვირიკაშვილმა და დასძინა, რომ "ევროინტეგრაციისა და ევროპული პროექტის მხარდაჭერა საქართველოში ძალიან ძლიერია".
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
