ლაშა თორდიას გამოკითხვა მისი ჯანმრთელობის მდგომარეობის გამო შეწყდა

გენერალური აუდიტორის, ლაშა თორდიას გამოკითხვა პროკურორებმა დღეისთვის შეწყვიტეს.

როგორც ჟურნალისტებს პავლე კუბლაშვილმა განუცხადა, გამოკითხვის შეწყვეტის მიზეზი ის გარემოება გახდა, რომ ლაშა თორდია შეუძლოდ გახდა, კერძოდ, დაფიქსირდა მაღალი არტერიული წნევა. მისივე ინფორმაციით, დაკითხვა სავარაუდოდ ხვალ გაგრძელდება.

ამასთან, პროკურორები მედიასთან ამ დრომდე არ გამოჩენილან. უცნობია, მათ დატოვეს თუ არა კლინიკის ტერიტორია.