ფოთის საპატრულო პოლიციის უფროსად მაცი ხვიტია დაინიშნა

ქალაქ ფოთის საპატრულო პოლიციას ახალი უფროსი ჰყავს. "რადიო ათინათის" ინფორმაციით, აღნიშნულ თანამდებობაზე მაცი ხვიტია დაინიშნა. ინფორმაციას ადასტურებენ შინაგან საქმეთა სამინისტროში. უწყების ცნობით, მინისტრმა ხვიტიას დანიშვნის შესახებ ბრძანებას ხელი რამდენიმე დღის წინ მოაწერა და იგი უფლება-მოვალეობის შესრულებას უკვე შეუდგა.

"რადიო ათინათის" ინფორმაციით, მაცი ხვიტია შსს-ს სამეგრელო-ზემო სვანეთის საპატრულო პოლიციის დეპარტამენტში სხვადასხვა თანამდებობებს იკავებდა. იყო ზუგდიდის საპატრულო პოლიციის უფროსი, იქამდე კი ფოთში ოცმეთაურად მუშაობდა.

წყარო: radioatinati.ge