მიხეილ ჩინჩალაძე - ბრალდებას, რასაც მიყენებენ, თითიდან გამოწოვილია, კლანური მმართველობა არ არსებობს
მე მინდა იუსტიციის უმაღლესი საბჭოს მდივანი იყოს ახალი თაობის მოსამართლე, რომელიც კიდევ უფრო გააუმჯობესებს და უპასუხებს საბჭოს წინაშე არსებულ გამოწვევებს, - ამის შესახებ თბილისის სააპელაციო სასამართლოს თავმჯდომარემ მიხეილ ჩინჩალაძემ განაცხადა.
მიხეილ ჩინჩალაძემ მის მიმართ გამოთქმულ კრიტიკასაც უპასუხა და განაცხადა, რომ "თითიდან გამოწოვილ" ბრალდებებს არაერთხელ გასცა პასუხი.
"ჩემს მიმართ არის აბსოლუტურად უსაფუძვლო კრიტიკა, მე ყველა კითხვას გავეცი პასუხი და განვაცხადე, რომ სკამს არ გამოვეკიდები, უბრალოდ, ასეთ დაუსაბუთებელ ბრალდებებსა და აბსურდის თეატრში მე მონაწილეობას არ მივიღებ. ბრალდებას, რასაც მიყენებენ, არის თითიდან გამოწოვილი. კლანური მმართველობა არ არსებობს. ყველა უწყებაში შეიძლება იყოს თანამშრომლების ნაწილი, რომლებიც მოდიან წლების განმავლობაში და ეს არის კორპორაციული ერთობა, რომელიც რაღაც საკითხებში შეიძლება არ იყოს ერთიანი, რაღაც საკითხებში კი, დაემთხვეს მათი აზრი, მაგრამ ამას რომ კლანი დაარქვათ ყოვლად უსაფუძვლოა", - განაცხადა მიხეილ ჩინჩალაძემ.
დღეს იუსტიციის უმაღლესი საბჭოს მდივნისა და ოთხი ახალი მოსამართლე წევრის ვინაობა გაირკვევა.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
