თეა წულუკიანი და მისი 6 თვის ქალიშვილი სტუმრად სამშობიაროში
იუსტიციის მინისტრი თეა წულუკიანი შვილთან - მერი კაკულიასთან ერთად თბილისში "გაგუას კლინიკას" ეწვია და ჩვილებს ახალშობილის სამაჯურები გადასცა.
პატარა მერი 6 თვისაა, აღსანიშნავია, რომ ის სწორედ ამ კლინიკაში დაიბადა და ახალშობილების სამაჯურებით დასაჩუქრებაში დღეს თავადვე მიიღო მონაწილეობა. თეა წულუკიანსა და მის მეუღლეს ნუგზარ კაკულიას ქალიშვილი 18 მარტს შეეძინათ.
იუსტიციის სამინისტროს ინფორმაციით, საქართველოს ყველა რეგიონში რეგისტრირებული ყველა სამედიცინო დაწესებულება ევროპული ხარისხის, ერთნაირი ფორმის, დახვეწილი დიზაინის სამაჯურებით მომარაგდება. სახელმწიფო სერვისების განვითარების სააგენტოს მონაცემთა ხარისხის სამსახურის სტატისტიკით, საქართველოში წელიწადში 60 000-მდე ახალშობილი იბადება. აღნიშნული სამაჯურებით მოხდება ახალბედა მშობლების ინფორმირება დაბადების მარეგისტრირებელი სახელმწიფო უწყების თაობაზე.
აღსანიშნავია, ის, რომ საიდენტიფიკაციო სამაჯურებზე დატანილია წარწერა: "დაბადება რეგისტრირდება სახელმწიფო სერვისების განვითარების სააგენტოში".
"დაბადების დღეს გილოცავ, ჩემო სამყაროვ" - კახა კალაძის უმცროსი ვაჟი 2 წლის გახდა (ფოტოები წვეულებიდან)
"გააკეთა შეუძლებელი და ანდრუშას სიცოცხლე აჩუქა!" - ვინ არის ახალგაზრდა, რომელმაც თათია შარანგიას შვილი გადაურჩინა
