როგორია ბათუმში, მშენებლობაზე დაშავებულ მუშების მდგომარეობა

ექიმების ინფორმაციით, ბათუმში, მშენებლობაზე დაშავებულ მუშებს სხვადასხვა სახის დაზიანებები აღენიშნებათ. გუშინ, ბათუმში კომპანია "ალიანს პალასის" მშენებლობაზე დაშავებული ხუთი პირი ბათუმის სამ საავადმყოფოში გადაიყვანეს.

თვითმხილველების ინფორმაციით, "ალიანს პალასის" შენობის მესამე სართულზე ხარაჩო იმ დროს დაიშალა, როცა ბეტონის ჩასხმის სამუშაოები მიმდინარეობდა.

გუშინ მომხდარ ფაქტთან დაკავშირებით გამოძიება დაიწყო. შსს-ს ინფორმაციით, გამოძიება სისხლის სამართლის კოდექსის 240-ე მუხლით დაიწყო, რაც სამთო-სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს, რამაც ადამიანის ჯანმრთელობის დაზიანება გამოიწვია.