მეტრო "დიდუბის" მიმდებარედ მოზარდებს შორის ჩხუბი მოხდა - ორი არასრულწლოვანი იაშვილის კლინიკაშია გადაყვანილი

თბილისში, რამდენიმე მოზარდს შორის მომხდარი დაპირისპირების შედეგად ორი არასრულწლოვანი დაშავდა. შემთხვევა მეტრო "დიდუბის" ტერიტორიაზე ცოტა ხნის წინ მოხდა. დაშავებულები იაშვილის კლინიკაში არიან გადაყვანილი. 15 და 16 წლის ახალგაზრდებს სხეულის მსუბუქი დაჟეჟილობა აღენიშნებათ.

როგორც AMBEBI.GE-ს შსს-ს პრესსამსახურში განუცხადეს, მომხდარზე გამოძიება სსკ-ის 126-ე, ძალადობის მუხლით მიმდინარეობს.