პერიზ ჯექსონსა და კარა დელევინს, სავარაუდოდ, რომანი აქვთ

პერიზ ჯექსონსა და კარა დელევინს შორის შესაძლო რომანზე სულ უფრო მეტს საუბრობენ, გოგონები კი მათზე ჭორაობის საბაბს სოციალური ქსელების მომხმარებლებს მუდმივად აძლევენ. ამჯერად, პერიზმა "სნეპჩეთზე" განათავსა სურათი, სადაც გოგონები საწოლზე წვანან და ფილმს უყურებენ.

პერიზ ჯექსონი, რომელიც რამდენიმე დღეში 20 წლის გახდება და 25 წლის ბრიტანელი მოდელი კარა დელევინი უყურებენ ფილმს „კეროლი“, რომელიც ორი ქალის სასიყვარულო რომანზეა გადაღებული.

დელევინისა და ჯექსონის ურთიერთობის შესახებ გასული წლის ნოემბრიდან საუბრობდნენ, გოგონები ლონდონის ერთ-ერთ კლუბთან გადაიღეს. ისინი ხშირად არიან ერთად და საერთო ფოტოებს მიმდევრებს სოციალურ ქსელებში უზიარებენ.