აფრიკის კონტინენტი ორ ნაწილად იყოფა და მეცნიერების თქმით, პროცესი "სწრაფად მიმდინარეობს"

აღმოსავლეთ აფრიკა კონტინენტის დანარჩენი ნაწილისგან, შესაძლოა, გამოიყოს. Indy100-ის ინფორმაციით, გეოლოგიური მოვლენის შედეგად აფრიკა ოდესმე "რქის" გარეშე დარჩება.

მეცნიერები ამბობენ, რომ გეოლოგიურ გახლეჩვას მილიონობით წელი სჭირდება, მაგრამ პროცესი მოსალოდნელზე სწრაფად მიმდინარეობს.

ეს კი, შესაძლოა, პრობლემას უკვე ქმნიდეს. მაგალითად - კენიის დატვირთულ ქუჩაზე, ვულკანური აქტივობების შედეგად, დიდი ნაპრალი გაჩნდა.

სავალალო შედეგების თავიდან ასარიდებლად აუცილებელია, მეცნიერებმა ჩაატარონ ვრცელი კვლევა, რათა დადგინდეს, რა ტერიტორიაზე უნდა გაიყვანონ გზები, ან - ააშენონ შენობები.