მეგან მარკლის მამა, რომელიც სულ მალე პრინცის სიმამრი გახდება, ბრიტანეთის ისტორიას სწავლობს

ტომას მარკლი, მეგან მარკლის მამა და ბრიტანეთის პრინცის მომავალი სიმამრი მექსიკაში, როზარიტოში მოკრძალებულად ცხოვრობს.

თუმცა, Huffington Post-ის ინფორმაციით, მას შემდეგ, რაც მეგანი მსოფლიოში ერთ-ერთ ყველაზე ცნობილ ადამიანზე დაინიშნა, ტომასიც ყურადღების ცენტრში აღმოჩნდა და პაპარაცები მას ხშირად იღებენ.

გასულ კვირას ტომასი „სტარბაქსში“ წიგნით ხელში გადაიღეს, მარკლი ინგლისის ისტორიის შესახებ წიგნს კითხულობდა. ფოტომ სოციალურ ქსელებში დიდი მოწონება დაიმსახურა, განსაკუთრებით კი - სოციალური ქსელების ბრიტანელი მომხმარებლები მოხიბლა.

მეგანისა და ჰარის ქორწილი ლონდონში 19 მაისს გაიმართება. შვილს საკურთხეველთან ტომას მარკლი მიიყვანს.