სერგო თეთრაძის მეუღლის პირველი კომენტარი ბაჩო ახალაიას განაჩენზე

სერგო თეთრაძის მეუღლის პირველი კომენტარი ბაჩო ახალაიას განაჩენზე

ვთვლი, რომ ადამიანის სიცოცხლე ბევრად უფრო ღირებული უნდა იყოს, ვიდრე ის ვადა, რომელიც ბაჩო ახალაიას მიესაჯა, - ამის შესახებ ჟურნალისტებს პოლკოვნიკ სერგო თეთრაძის მეუღლემ ნანა თეთრაძემ განუცხადა. როგორც მან აღნიშნა, სასჯელი, რომელიც დღეს თავდაცვის ყოფილ მინისტრს, ბაჩო ახალაიას შეეფარდა, მის მიერ ჩადენილი ქმედების არაპროპორციულია.

"6 წელი და 7 თვე გავიდა დღეს მას შემდეგ, რაც ჩემი მეუღლე სიცოცხლეს გამოასალმეს. ძალიან მტკივნეული იყო თითოეული დღე და არანაირი განაჩენი არანაირად არ შეცვლის იმ მდგომარეობას და არ მოგვიშუშებს იმ იარებს, რომელიც ოჯახს აქვს მიღებული. მიუხედავად ამდენი წამებისა, არაადამიანური მოპყრობისა და უბედურების კორიანტელისა, რაც ჩემს მეუღლეს დაატყდა თავს, ის ძალიან ღირსეულად წავიდა ამ ქვეყნიდან და არ აღიარა შეკერილი საქმე, რომელიც თავიდან ბოლომდე იყო აბსურდული. ვთვლი, რომ ადამიანის სიცოცხლე ბევრად უფრო ღირებული უნდა იყოს, ვიდრე ის ვადა, რომელიც მას მიესაჯა", - განაცხადა ნანა თეთრაძემ.

პოლკოვნიკ სერგო თეთრაძის წამების საქმეზე თავდაცვის ყოფილი მინისტრი ბაჩო ახალაია სასამართლომ დამნაშავედ ცნო და მას 9 წლით თავისუფლების აღკვეთა შეეფარდა.

თბილისში ცნობილ ნეიროქირურგს სცემეს - "ათასობით ადამიანის გადამრჩენს ვიღაც ველური ცემს..."

შსს-ს გაფრთხილება აქციის მონაწილეებს - უწყება განცხადებას ავრცელებს

"მთავარი არხის" ერთ-ერთი დამფუძნებელი გიორგი რურუა დააკავეს