აქცია პარლამენტთან 3 ივნისს 18 საათზე განახლდება

პარლამენტთან აქცია დღეისთვის დასრულდა და ის 3 ივნისს, 18:00 საათზე განახლდება. ამის შესახებ პარლამენტთან რამდენიმე ოპოზიციური პოლიტიკური პარტიის ლიდერმა განაცხადა. მათივე ინფორმაციით, 3 ივნისს, აქციაზე გახდება ცნობილი სამოქმედო გეგმა, რომელსაც აქციის ორგანიზატორები და ლიდერები შეიმუშავებენ. მათ მოსახლეობას აქციაზე მისვლისკენ მოუწოდეს.

რამდენიმე ოპოზიციური პარტიის ლიდერმა აღნიშნული განცხადება მას შემდეგ გააკეთა, რაც ზაზა სარალიძესთან და ზვიად კუპრავასთან პარლამენტის წინ განთავსებულ კარავში შეხვედრა გამართა.